Касцёл Нараджэння Маці Божай
Віцебская вобласць
Гiсторыя касцёла | Архiўныя звесткi | Арган | Фотаздымкi
| 19/II/P Johannes Klais (Bohn), opus 1188; 1960 перанесены ў 2017 годзе |
||
| I Manual (C-a’’’) Rohrflöte 8` Querflöte 4` Principal 2` Sesquialter 2` Septon 2f Cymbel 2-3f Krummhorn 8` |
II Manual (C-a’’) * Holzflöte 8` Gemshorn 8` Principal 4` Quintade 4` Waldflöte 2` Octävchen 1` Mixtur 4f |
Pedal (C-g’) Subbas 16` Principal 8` Spitzflöte 4` Hohlflöte 2` Nonen-cornett 4f |
| I/II*, I/Ped, II/Ped | ||
| Tutti, Tremolo I man*, 2 вольныя камбінацыі, вольная камбінацыя для педальных рэгістраў, Schweller I man* | ||
| Механічная ігравая** і электрычная рэгістравая трактура, шляйфлада | ||
| Матор | ||
* – II мануал з’яўляецца галоўным
** – у якасці абстрактаў ігравой трактуры выкарыстоўваюцца металічныя струны
Першыя дакладныя звесткі пра касцёл у Браславе паходзяць з XV стагоддзя. У 1824 годзе пабудаваны мураваны касцёл, які быў перабудаваны ў 1897 годзе. Падчас нямецкай акупацыі пробашч касцёла Мечыслаў Акрэйц быў расстраляны нацыстамі за аказанне дапамогі яўрэям. У 1950 годзе храм быў зачынены і аддадзены пад збожжасховішча, але ўжо праз два гады вернікі дамагліся вяртання будынка парафіі.
У 1897 годзе Янам Гаралевічам быў пабудаваны 14-рэгістравы арган. Ён быў грунтоўна перароблены ў сярэдзіне 1980-х гадоў латышскімі майстрамі з выкарыстаннем частак навакольных арганаў, меў 43 рэгістры. З цягам часу ён перастаў працаваць і прышоў у заняпад. Наверх
Сучасны арган перавезены з берлінскай парафіі Св. Караля Барамэя айцоў-сальватарыянаў. 15 кастрычніка 2017 года арган быў урачыста асвечаны біскупам Віцебскім Алегам Буткевічам. Інагурацыйны канцэрт выканаў прафесар Універсітэта музыкі і сцэнічных мастацтваў у г. Грац (Аўстрыя) Іаган Труммэр.
Арган пабудаваны ў выглядзе трох асобных шафаў. У якасці ігравой трактуры выкарыстоўваюцца струны. У другой палове XX ст. некаторы час будаваліся такія інструменты, але ад гэтай тэхналогіі з цягам часу адмовіліся. Гэта адзіны на Беларусі інструмент з галоўным другім мануалам і такім вялікім дыяпазонам педальнай клавіятуры.
