Гродна, лютэранская кірха

Гродна, лютэранская кірха Святога Іаана

Гiсторыя касцёлаАрган | Фотаздымкi

23/II/P
Günter Hardt Orgelbau (Möttau), 1966
перанесены у 2014 годзе
I Manual (C-g’’’)
Prinzipal 8`
Rohrflöte 8`
Hohlflöte 4`
Oktave 4`
Waldflote 2`
Mixtura 4-6 ch. 2`
Trompete 8`
II Manual (C-g’’’)
Holzgedackt 8`
Nachthorn 4`
Nassard 2 2/3`
Prinzipal 2`
Terz 1 3/5`
Siffflöte 1`
Zymbel 2-3f ½`
Krummhorn 8`
Pedal (C-f’)
Subbaß 16`
Gedackt 8`
Prinzipalbaß 8`
Rohrpommer 4`
Pedal-Mixtur 4-5 f
Flachflöte 2`
Posaune 16`
II/I, II/Ped, I/Ped
Tremulant II man
4 вольныя камбінацыі
Механічная ігравая і рэгістравая трактура

Афіцыйнай датай заснавання евангельска-лютэранскай абшчыны ў Гродна лічыцца 1779 год. Кірха ў цяперашнім выглядзе пабудавана ў 1912 годзе пасля шэрагу перабудоваў папярэдняга будынка. З 1944 па 1994 год у будынку знаходзіўся архіў. У 1995 годзе будынак кірхі перададзены евангельска-лютэранскай абшчыне Гродна. Гэта адзіная ў краіне дзеючая лютэранская кірха.   Наверх

У 1913 годзе тут быў пабудаваны арган рыжскай фірмы Emil Martin&Co Orgelbauanstalt, верагодна, частка якога (толькі II мануал) захавалася ў касцёле ў Гожы.

Цяперашні арган быў перавезены ў 2014 годзе з лютеранскай царквы  горада Франкфурт-на-Майне. У перавозцы і ўсталяваннi аргана ўдзельнiчаў шэраг арганізацый: Пасольства ФРГ у Беларусі, Нямецка-Беларускі Эканамічны клуб, Нямецка-Расійскі Эканамічны клуб, Евангельская Царква Германіі, Саюз Марціна Лютэра, Фонд Густава Адольфа, Евангельская Царква Сярэдняй Германіі, кампанія DB Shenker. Гэтага самы вялікі з былых ва ўжыванні перавезеных у Беларусь арганаў.

Арган рэгулярна выкарыстоўваецца на набажэнствах. Кожную суботу і нядзелю ў кірхе праводзяцца арганныя канцэрты. На аргане ладзяцца канцэрты беларускіх і замежных кампазітараў. Штогод у ліпені адбываецца фестываль арганнай і камернай музыкі. Гэта найбольш актыўна выкарыстоўваючыся для канцэртнай дзейнасці арган у Беларусі.

Арганная музыка адыгрывае важную ролю ў лютэранскім веравызнанні і разглядаецца як адна з важных элементаў місіянерства і душпастырства. Пра гэтую вялікую ролю музыкі духоўны кіраўнік Саюза Евангельска-Лютеранскіх Церкваў Арцыбіскуп Дзітрых Брауэр адзначае наступнае: «Культура – гэта праваднік духоўных каштоўнасцяў. Калі мы выконваем Баха, то гэта і інтэрнацыянальная мова музыкі, і словы Святога Пісання… Музыка пакуты; музыка веры; музыка якая прызначана дакрануцца да сэрцаў людзей. Існуе асобая мова…хтосці скажа, што яна не зусім зразумелая, хтосці скажа, што яна складаная, але аднойчы пачуўшы гэтую мову – мову духоўнай музыкі – чалавек разумее яе сэнс; нават не разумеючы словаў, мы разумеем, што гэта аповяд пра Вечнае, гэта аповяд пра Ісціну, гэта аповяд пра тое, што тычыцца нас».

Наверх