Касцёл Святых Космы і Дам’яна
Гродзенская вобласць
Гiсторыя касцёла | Архiўныя звесткi | Арган | Фотаздымкi
| 7/I Невядомы майстар (саматужная вытворчасць), 1978 |
| Manual (C-f’’’) Bordun 16` Principal 8` Gamba 8` Flauto major 8` Flauto minor 4` Oktava 4` Kwinta 2 2/3* |
| Super I |
| Механічная ігравая і рэгістравая трактура, шляйфлада |
| Складчаты мех, самаробны матор |
* – двухрадная мікстура
Парафія створана ў 1458 годзе. Цяперашні касцёл пабудаваны ў 1787 годзе.
У інвентарным акце 1804 года паведамляецца пра дванаццацiрэгістравы пазітыў. У 1866 годзе пасля закрыцця касцёла і перадачы пад праваслаўную царкву, арган быў вывезены ў Гервяты. Наверх
Астравецкі арган пабудаваны ў 1978 годзе ў няпросты для арганабудаўніцтва час, калі цяжка ўявіць сабе магчымасць з’яўлення новых інструментаў у касцёлах. Клавіятура, штокі, шляйфы, некаторыя часткі віндлады і некалькі драўляных труб узяты з невядомага гістарычнага інструмента. Астатнія часткі і трубы новая. Варта адзначыць, што з-за немагчымасці зрабіць у невялікіх па памеру цынкавых трубах настроечныя ролікі, майстар скарыстаў цікавы агранабудаўнічы прыём, які не сустракаецца ў іншых сучасных самаробных інструментах: у трубах прарэзана шчыліна, якая зверху закрываецца настроечным кальцом. Гэта дазваляе настрайваць невялікія трубы, не шкодзячы іх. Наверх
Арган уяўляе сабой каштоўны ўзор самаробнага арганабудавання на Беларусі канца 70-х гадоў. Гэта самы ранні прыклад арганабудаўніцтва такога кшталту. Час яго пабудовы – вельмі цяжкі для Каталіцкага Касцёла, калі немагчыма сабе ўявіць магчымасць з’яўлення новых касцёльных арганаў, і гэта робіць яго унікальным. Зафундаваўшы яго, ксёндз пакінуў прыклад веры ў аднаўленне каталіцкага касцёла на Беларусі. У кантэксце зразумелых абмежаванняў майстра ў матэрыялах, арган зроблены вельмі якасна.
