Касцёл Найсвяцейшай Тройцы
Гродзенская вобласць, Гродзенскі раён
Гiсторыя касцёла | Арган | Фотаздымкi
| 10/I Ignacy Żebrowski (Warszawa), паміж 1869 і 1880 гадамі Пётр Вайцэховіч, пач. XX ст. |
| Manual (C-d’’’) Burdon 16` Principal 8` * Gedekt 8` ** Flet Lagodny 8` *** Salicional 8` **** Oktawa 4` Gemshor 4` Rurflet 4` Kwinta 2 2/3` ***** Superoktava 2`****** |
| Механічная ігравая і рэгістравая трактура, шляйфлада |
| Складчаты мех, матор на гарышчы касцёла, ручная калькацыя (карамысла). |
* – трубы рэгістра Principal 8` змешчаны на фасадзе
** – на трубах маркіроўка Flet major
*** – на трубах маркіроўка Flet Bas
**** – пабудаваны П.Вайцэховічам, верагодна, замест язычковага рэгістра
***** – раней быў двухрадны рэгістр, верагодна Sesquialtera
****** – на трубах маркіроўка Lutnia
Першы драўляны касцёл у Індуры быў пабудаваны ў 1522 годзе па фундацыі Яна Давайновіча. У 1815 годзе пачалася будова мураванага касцёла, які быў кансэкраваны ў 1854 годзе. У 1904 годзе касцёл быў перабудаваны ў эклектычным стылі з рысамі неабарока і неакласіцызму паводле праекта гродзенскага губернскага архітэктара У. А. Срокі. Да ўсходняй (алтарнай) сцяны быў дабудаваны трансэпт з невялікай паўкруглай апсідай, фланкаванай дзвюма невялікімі сакрыстыямі. Да паўднёвага боку галоўнага фасада была дабудавана неабарочная капліца, да паўночнага – трох’ярусная, чацверыковая і таксама неабарочная вежа-званіца пад фігурным купалам. Наверх
Арган быў пабудаваны паміж 1869 і 1880 гадамі – час існавання фабрыкі І. Жэброўскага. На віндладзе захавалася яе кляймо «z Fabryki I. Żebrowskiego organmistrza z Warszawy». Першапачаткова арган быў пафарбаваны «пад арэх», але з цягам часу перафарбаваны ў менш вытанчаны аднатонны цёмны колер. На пачатку XX стагоддзя арган быў перабудаваны П. Вайцэховічам: невядомы двухрадны рэгістр стаў рэгістрам Kwinta 2 2/3`. Замест невядомага, верагодна, язычковага рэгістра пабудаваны рэгістр Salicional 8`. Верагодна, назвы некаторых рэгістраў былі заменены на больш звыклыя ў рамантычны час.
