Касцёл Дабравешчання Найсвяцейшай Панны Марыі
Мінская вобласць, Валожынскі раён
Гiсторыя касцёла | Арган | Фотаздымкi
| 15/II/P Floryan Ostromęncki w Wilnie, 1907 невядомы майстар, 20-30-я гады XX ст. |
||
| I Manual (C-f’’’) Bordun 16` [Pryncypal 8`] [Salicet 8`] [Hohlflet 8`] [Gamba 8`] [Mixtura 3 rz.] [Octawa 4`] |
II Manual (C-f’’’) Pryncypal Skrzyp. 8` Aeolina 8` Gedekt 8` Dulciana 4` |
Pedal (C-d’) Subbas 16` Pryncypal 16` Violoncel 8` [Octawbas 8`] |
| Pedal copl, Oktaw copl, Manual copl., Schweller | ||
| Forte M. I, Forte M. II, Tutti | ||
| Механічная ігравая і рэгістравая трактура, шляйфлада | ||
| Паплаўковы мех, матор, нажная калькацыя (1 педаль) | ||
Першы касцёл заснаваны ў 1424 годзе вялікім князем літоўскім Вітаўтам (~1350 –1430). У 1637–1641 гадах па фундацыі ваяводы навагрудскага Юрыя Літавора Храптовіча (1586–1650) пабудаваны мураваны касцёл. У 1771 годзе касцёл адноўлены пасля пажару, да яго прыбудаваны дзве капліцы. У 1906 г. да галоўнага фасада прыбудаваны нартэкс у неабарочным стылі. Наверх
Арган у Вішнева мае вялікае падабенства з арганам у Ліпнішках (20/II/P) па канструкцыі кафедры, складу рэгістраў і арганабудаўнічым прыёмам. Праўдападобна, у міжваенны час арган быў крыху перабудаваны з выкарыстаннем трубаў варшаўскай фабрыкі Братоў Камінскіх. Верагодна, замест рэгістра Trompet 8` быў усталяваны рэгістр Octawa 4`, а замест Posaune 16` – рэгістр Octawbas 8`, на трубе С якога стаіць кляймо «Bracia Kaminscy Nr 30 Warszawa». Перабудова ў міжваенны час магла здарыцца, напрыклад, з-за канфіскацыі металічных труб аргана ў Першую сусветную вайну, што было тады распаўсюджанай з’явай (праз Вішнева праходзіла ўмацаваная нямецкая лінія абароны, мястэчка было знішчана артылерыяй, але ў касцёл і царкву не патрапіў ніводны снарад).
Арган знаходзіцца ў стане зацягнутага рамонту з 2014 года і часткова разабраны. Яго механізмы капуляцый і камбінацый, частка швэлернай скрыні даўно зніклі. Арган часткова ўдзельнічае ў набажэнствах.
