Касцёл Найсвяцейшай Панны Марыі
Гродзенская вобласць, Ваўкавыскі раён
Гiсторыя касцёла | Архiўныя звесткi | Арган | Фотаздымкi
| 8/I Невядомы майстар, 1780-я (?) |
| Manual (C-с’’’) Princypał 4st * Flet Maior 8st Flet Minor 4st Undamaris 4st Julla 4st Oktawa 2st Kwinta 1 1/2st ** Mixtura 1st 3ch. |
| Механічная ігравая і рэгістровая трактура, шляйфлада |
| Dzwonki (Zimbelstern) |
| Два трохкутных меха з ручной калькацыяй, самаробны матор у вежы касцёла |
* – трубы рэгістра Pryncypal 4st змешчаны на фасадзе
** – тут прыменена архаічнае пазначэнне футавасці аліквотнага рэгістра, больш дакладна – 1 1/3st
Першы касцёл у Рэплі быў пабудаваны ў 1626 годзе па фундацыі гарадзенскага падкаморы і пасла сейму Рэчы Паспалітай Юрыя Сцыпіёна. Наступны касцёл пабудаваны ў 1732 годзе гетманам вялікім літоўскім Міхалам Юзафам Масальскім (1700-1768). Сучасны нэагатычны касцёл узведзены ў 1909 годзе. Наверх
У 1633 годзе ў першым касцёле занатаваны 5- рэгістравы пазітыў з эфектам трэмала і двума мехамі. Наверх
Дата пабудовы цяперашняга аргана, 1780-я гады, абгрунтоўваецца наяўнасцю ў 60 км. ад Рэплі (ў в. Міжэрычы) аналагічнага інструмента, які быў пабудаваны ў 1784 годзе. На тэрыторыі былога Вялікага княства Літоўскага захавалася каля 130 арганных праспектаў эпохі барока (пераважна ў Рэспубліца Літва), але такую будову праспекта маюць толькі два азначаныя арганы. З гэтага вынікае гіпотэза аб адзіным майстры і часе іх пабудовы. Можна выказаць згадку, што арган быў пабудаваны ўсходнепрускім майстрам. Наверх
Барочны арган у Рэплі здзіўляе сваім выдатным аўтэнтычным станам. З часоў яго пабудовы ў аргане захаваліся ў аўтэнтычным стане механізмы, мехі і трубы; заменены толькі частка трубаў рэгістраў Pryncypal 8st і Undamaris 4st (cтарыя трубы, хутчэй за ўсё значна пашкоджаныя шматлікімі найстройкамі ва ўмовах адсутнасці настроечных ролікаў, былі заменены на цынкавыя трубы той жа мензуры). Дзіўным з’яўляецца тое, што такі стары арган у нашы дні актыўна выкарыстоўваецца на набажэнствах і знаходзіцца ў дагледжаным стане. Наяўнасць у Беларусі такога інструмента з’яўляецца адметнай з’явай.
