Касцёл Найсвяцейшай Тройцы (Cвятога Роха) на Залатой Горцы
Гiсторыя касцёла | Архiўныя звесткi | Арган | Фотаздымкi
| 26/III/P Rieger-Kloss op.3543, 1984 |
|||
| I Manual (C-a’’’) Gedacktpommer 16` Principal 8` Spillflöte 8` Octave 4` Quinte 2 2/3` Doublette 2` Mixtur 5f 1 1/3` Trompete 8` |
II Manual Ruckpositiv (C-a’’’) Gedackt 8` Principal 4` Gedacktflöte 4` Blockflöte 2` Quinte 1 1/3` Mixtur 3f 1` |
III Manual (C-a’’’) Rohrflöte 8` Koppelflöte 4` Principal 2` Octavin 1` Sesqualiter 2-3f 1 1/3` Regal 8` |
Pedal (C-f’) Subbas 16` Principal 8` Bassflöte 8` Schwegel 4` Rauschpfeife 5f 2 2/3` Fagott 16` |
| I/Ped, III/Ped, II/I, III/II | |||
| Tremolo II man, Tremolo III man Schweller III Manual 3 вольныя камбінацыі, 1 вольная камбінацыя педалі, Pleno, Tutti, Crescendo, Zungen ab, HR ab |
|||
| Механічная ігравая і электрычная рэгістравая трактура | |||
Касцёл пабудаваны ў 1864 годзе. У 1930-я гады касцёл закрыты. Падчас нямецкай акупацыі набажэнствы аднавіліся, але пасля Другой сусветнай вайны касцёл быў зноў зачынены. У 1984 годзе будынак касцёла прыстасаваны пад залу камернай музыкі Белдзяржфілармоніі. У 2006 годзе касцёл вернуты парафiянам.
У 1901 годзе ў Мінскім Свята-Троіцкім Залатагорскім касцёле Ф. Астрамецкім пабудаваны арган на 18 рэгістраў (18/II/Ped), які па невядомых прычынах быў пашкоджаны і перабудаваны ў 1905 годзе яго жа фірмай. Наверх
У 1984 годзе ў былым прэсбітэрыі касцёла быў пабудаваны канцэртны арган чэхаславацкай фірмы Rieger-Kloss. Гарадская легенда кажа, што пасля вяртання будынка Каталіцкаму Касцёлу арган хацелі забраць як маёмасць Белдзяржфілармоніі, але кошт пераноса інструмента апынуўся настолькі вялікі, што арган вырашылі пакінуць у касцёле.
У гісторыі касцёльнага арганабудаўніцтва існуе практыка размяшчэння арганаў у прэсбітэрыях (але не такіх вялікіх і не ў такім стылі), таму арган не парашкаджае адпраўляць святую імшу і яго не сталі дэмантаваць. У наш час адбываецца пабудова галоўнага алтара, які мусіць закрыць сабой большую частку аргана. Гэта адзіны на Беларусі арган, у якім ёсць Ruckpositiv – аддзел аргана, змешчаны за спіной арганіста бліжэй усяго да гледача, – у ім змешчаны трубы II мануала.
Арган актыўна выкарыстоўваецца на набажэнствах, таксама на ім рэгулярны ладзяцца канцэрты арганнай музыкі. Iнструмент удзельнічае ў фестывалях «Калядныя вечары на Залатой Горцы» і «Залатагорская ліра» (мастацкі кіраўнік – Віктар Кісцень).
