Міжэрычы

Касцёл Звеставання Найсвяцейшай Панны Марыі

Гродзенская вобласць, Зэльвенскі раён

Гiсторыя касцёлаАрхiўныя звесткi | Арган | Фотаздымкi

8/I невядомы майстар, 1784
Manual (C-c’’’)
Tympani, Zymbelstern
Механічная ігравая і рэгістравая трактура, шляйфлада

Першая каталіцкая парафія ў Міжэрычах узнікла ў 1533 годзе па фундацыі маршалка гаспадарскага Войцеха Клочкі. У сувязі з тым, што наступныя ўладальнікі Міжэрыч былі кальвіністамі, у другой палавiне XVI ст. касцёл быў разабраны. Наступны невялікі драўляны касцёл быў пабудаваны паміж 1633 і 1645 гадамі. Трэці драўляны касцёл быў пабудаваны ў 1746 годзе па фундацыі канцлера вялікага літоўскага Міхала Сервацыя Вішнявецкага (1680-1744). Касцёл быў зачынены ў 1891 годзе i адданы пад праваслаўную царкву. У 1906-1912 гадах пабудаваны нэагатычны касцёл па праекце У. А. Срокі. У 1946–1989 касцёл быў зачынены і прастасаваны пад краму.   Наверх

У інвентарным акце 1732 года занатавана, што ў касцёле маецца зусім сапсаваны пазітыў. З акта 1761 года вядома, што ў Міжэрычах меўся 5‑ рэгістравы арган.   Наверх

У 1784 годзе ксёндз Вацлаў дэ Парзаў пабудаваў новы арган, праўдападобна рэшткі якога захаваліся да нашага часу. Арганная шафа мае блізкае падабенства з адзіным арганам на тэрыторыі былога Вялікага княства Літоўскага – у Рэплі. Абодва населеныя пункты у  XVIII–XIX стагоддзі знаходзіліся ў Ваўкавыскім павеце (пазней – уездзе) і знаходзяцца на адлегласці 60 км. Праўдападобна, гэтыя арганы пабудаваны адным майстрам і каля аднаго часу.

Ніводнай трубы аргана не захавалася. Замест праспектных труб устаўлены лісты металлу, на якіх намаляваны трубы. Захаваліся часткі механізма ўключэння эффектаў Tympani, Zymbelstern. Адносна добра захаваліся кафедра, віндлада, ігравая і рэгістровая механіка. Часткова захавалася разнае аздабленне праспекта. Унутры арганнай шафы захаваліся некалькі пазначэнняў алоукам: нумерацыя шляйфаў, бок «C», літара «М».

Наверх