Мядзведзічы

Касцёл Святых апосталаў Пятра і Паўла

Брэсцкая вобласць, Ляхавіцкі раён

Гiсторыя касцёлаАрхiўныя звесткi | Арган | Фотаздымкi

17/II/P
Piotr Wojciechowicz (Wilno), 1912
I Manual (C-f’’’)
Bordon 16`
Principal 8`
Gamba 8`
Hohlflöte 8`
Gedocte 4`
Oktave 4`
Mixtura 2 2/3` 3 fach
Klarneto 8`
II Manual (C-f’’’)
Geigen principal 8`
Bordon 8`
Violino 8`
Aeolino 8`
Flauto 4`
Pedal (C-d’)
Subbas 16`
Violonbass 16`
PrincipalBass 16`
Puson 16`
II/I, I/P, II/P, Super I
Piano, Mezzo forte, Forte, Tutti, Crescendo
Механічная ігравая і пнеўматычная рэгістравая трактура, кегельлада
Паплаўковы мех, кампенсацыйны мех, самаробны матор, механізм ручной калькацыі (кола)

Парафія ў Мядзведзічах была заснавана ў 1483 годзе віленскім біскупам Андрэем Гасковічам (?–1491). Касцёл быў зруйнаваны падчас наезду татараў у 1521 годзе. Наступны касцёл быў пабудаваны ў 1545 годзе.  Далейшы лёс каталіцкага храма на працягу XVI–XVIII стст. малавядомы . У 1886 годзе касцёл быў зачынены, а яго маёмасць перададзена праваслаўнаму духавенству. У 1905 годзе касцёл вырнулі каталікам. Ён быў разабраны і ў 1906-1908 гадах на яго месцы пабудаваны сучасны эклектычны касцёл па праекце Стэфана Шылера (Stefan Szyller, 1857–1933).   Наверх

У 1633 годзе ў касцёле ўзгадваецца новы арган. У інвентары 1782 года занатаваны невялікі арган.

У інвентары касцёла ад 22.12.1913 года паведамляецца, што «намаганнем ксяндза Яна Эйсманта ў 1912 г. зроблены віленскай фірмай Пятра Вайцэховіча арган з 2 клавіятурамі і педалам, на 17 галасоў». Гэты арган захаваўся да нашага часу ў аўтэнтычным стане. Адзінай неаўтэнтычнай часткай інструмента з’яўляецца матор, які прыстасавалі круціць каленчаты вал механізма калькацыі. У 1974-1978 гадах на арганістам служыў кс. Рычард Юнік (гл. артыкул Рубяжэвічы). У 1979-1980 гадах абавязкі арганіста выконваў Яго Эксцэленцыя біскуп Пінскай дыяцэзіі Антоній Дзям’янка (нар. у 1960 годзе).   Наверх

У аргане выяўляецца шэраг характэрных арганабудаўнічых дэталяў, якія на Беларусі больш не сустракаюцца ў іншых арганных майстроў. Дакументальнае пацвярджэнне аўтарства гэтага інструмента адыгрывае важную ролю ў атрыбуцыі Пятру Вайцэховічу не толькі аргана ў Мядзведзічах, але і арганаў у Белагрудзе, Ваўкалаце і Каменцы, а таксама дазваляе ідэнтыфікаваць шэраг яго перабудоваў некаторых барочных арганаў.

Наверх