Касцёл св. Міхала Арханёла
Лідскі раён, Гродзенская вобласць.
Гiсторыя касцёла | Архiўныя звесткi | Арган | Фотаздымкi
| 8/I/P Piotr Wojciechowicz (Wilno) (?), паміж 1908 і 1914 гадамі |
|
| I Manual (C-f’’’) Bórdon 16` Pryncypal 8` Gamba 8` [Hohlflet 8`] Salcional 8` Flet 4` |
Pedal (C-d’) Subbass 16` Oktawbass 8` |
| I/Ped, Super I | |
| Механічная ігравая і рэгістравая трактура, шляйфлада | |
| Самаробны матор, падвоены складчаты мех, кампенсацыйны мех, механізм ручной калькацыі (карамысла) | |
Першы касцёл Св. Яна Хрысціцеля быў заснаваны незадоўга да 1600 года па фундацыі мсціслаўскага і віцебскага ваяводы Яна Завішы (~1550–1626), які незадоўга да гэтага перайшоў з кальвінізма ў каталіцтва. Наступны касцёл пабудаваны ў 1703 годзе па фундацыі старасты лідскага Уладзіслава Шэмета. Пачынаючы з 1783 гэты касцёл узгадваецца пад іменем св. Міхаіла Арханёла, але прычыны змены тытула невядомы. У 1908 годзе пабудаваны цяперашні касцёл у нэараманскім стылi. Наверх
У вопісу касцёла 1731 года адзначана, што ў касцёле не было аргана. У акце віізітацыі 1801 года занатаваны пашкоджаны пазітыў. У 1820 годзе касцёле быў пабудаваны арган на 7 рэгістраў. Наверх
У хуткім часе пасля пабудовы новага касцёла ў 1908 годзе Пётр Вайцэховіч будуе новы 10-рэгістравы інструмент, які дайшоў да нас у аўтэнтычным стане. Арган не мае шыльды, але вельмі спецыфічныя арганабудаўнічыя прыёмы і почырк на драўляных трубах дазваляюць далучыць яго да работ Пятра Вайцэховіча.
У аргане ёсць надпіс «Bailogruda» і тым жа почыркам аўтограф майстра, але на аўтографе цяжка распазнаць імя. Арган быў грунтоўна адрамантаваны ў 2000 годзе і з таго часу знаходзіцца ў працоўным стане.
